O'zbekiston Vengriya kompaniyalarini kam quvvatli atom elektr stansiyasini qurish loyihasini amalga oshirishda texnik yordam ko'rsatishga jalb qilishni rejalashtirmoqda. Bu haqda "O'zatom" atom energetikasini rivojlantirish agentligi matbuot xizmati ma'lum qildi.
O'zbekiston delegatsiyasining Budapeshtga ishchi tashrifi doirasida tegishli kelishuvga erishildi. Vengriya energetika va iqlim masalalari bo'yicha davlat kotibi Attila Shtayner, shuningdek, atom sanoatining yetakchi kompaniyalari vakillari bilan muzokaralar davomida hamkorlikning asosiy jihatlari muhokama qilindi.
Asosiy e'tibor atom elektr stansiyasini loyihalash va qurishda texnik ko'maklashish masalalariga, shu jumladan suv ta'minoti va sovutish sohasidagi mumkin bo'lgan yechimlarga qaratildi. Shuningdek, O'zbekiston tomoni Vengriya yadroviy obyektlardan foydalanish tajribasini o'rganish, sanoat quruq sovutish tizimlariga xizmat ko'rsatishning zamonaviy texnologiyalari va yondashuvlarini qo'llashga qiziqish bildirdi.
Vengriya bilan hamkorlik O'zbekistonga o'zining atom energetikasi infratuzilmasini yaratishda ilg'or xalqaro amaliyotlardan foydalanish imkonini berishi kutilmoqda.
