Toshkent tumanlararo iqtisodiy sudi Yakkasaroy tumanidagi Yusuf xos Xojibiy ko'chasi, 28-uyda qurilish ishlarini to'xtatib turish to'g'risida qaror qabul qildi. Amaliy san'at muzeyiga tahdid solayotgan qoidabuzarliklar yuzasidan O'zbekiston madaniyat va san'atni rivojlantirish jamg'armasi tashabbusi bilan madaniy meros agentligi tomonidan da'vo qo'zg'atildi.
Jamg'arma ma'lumotlariga ko'ra, amaliy san'at muzeyi madaniy merosning muhim obyekti va Toshkent modernizmining namunasidir. Bunday inshootlarni himoya qilish nafaqat tarixni saqlash nuqtai nazaridan, balki shaharning me'moriy qiyofasini saqlab qolish uchun ham muhimdir.
Avvalroq, O'zbekiston favqulodda vaziyatlar vaziri qurilish ruxsatnomalarini berishda aniqlangan qoidabuzarliklar tufayli lavozimidan ozod etilgani ma'lum bo'ldi.
Favqulodda vaziyatlar vazirligi rahbari lavozimini Abdulla Kuldashev egallagan. 25 fevral kuni Botir Qudratxo'jayev yangi vazir etib tayinlandi.
